Sunday, October 26, 2008

تقرير حركة حقي عن انتخابات الإتحاد الحر





تقرير حركة "حقي" عن انتخابات الإتحاد الحر

هي تجربة خاضها طلاب الإخوان المسلمين .. حاولوا فيها ان يعبروا عن رفضهم لما حدث من تزوير لانتخابات اتحاد الطلاب .. فقرروا إجراء إجراء انتخابات الإتحاد الحر .. اتحاد موازي ينشأه الطلاب ليكون من أصواتهم معبرا عن آرائهم بالفعل.
قرر طلاب الإخوان إجراء الإنتخابات هذا العام في أربعة كليات في جامعة المنصورة هي كلية التربية والطب والهندسة والتجارة , وإجراء استفتاء علي فكرة الإتحاد الحر في كلية الطب البيطري.
بالنسبة لعملية التصويت , فقد كانت العملية الإنتخابية نزيهة تماما ولم يشوبها أي صورة من صور المخالفة من جانب القائمين علي الإنتخابات من طلاب الإخوان.
ابتدأت عملية التصويت حوالي لساعة العاشرة وانتهت حوالي الساعة الثالثة , تم بعدها فرز الأصوات وإعلان النتائج في عملية نزيهة تماما.
لم يعكر صفو اليوم إلا ما حدث من تجاوزات أمنية:
1- ففي كلية الطب البيطري اندفع عدد من البلطجية يحملون جنازير وأسلحة بيضاء وقام بالإعتداء علي طلاب الإخوان فجرح اثنين منهم ونقلوا إلي المستشفي , وقاموا بتكسير مقر الإستفتاء هناك.
2- في كلية الهندسة كان هناك بعض التعنت الأمني في مسألة مكان إقامة المقر الإنتخابي , وتم تجاوز المسألة.
3- في كلية التجارة , أحضر طلاب الإتحاد المزور طاولة تنس الطاولة أمام المقر لافتعال مشادة وجذب الإنتباه.
4- في كلية الطب تجمهر عدد من طلاب الإتحاد المزور أمام المقر الإنتخابي في محاول لافتعال مشاجرة ولاقتحام المقر .. لكن طلاب الإخوان لم يسمحوا لهم بذلك.
إذن .. هي تجربة ناجحة قام بها الإخوان وراقبتها حركة حقي .. لتخرج بشهادة منها لطلاب الإخوان ولكل طلاب جامعة المنصورة .. بأن هذه التجربة تجربة ديموقراطية نزيهة .. تشكل محاولة لرفع صوت المعارضة ضد إدارة الجامعة .. ومحاول لاسترداد شئ من الحق المنهوب.

حركة حقي - جامعة المنصورة
حركة طلابية مستقلة

حركة حقي - احتجاجا علي تزوير الإنتخابات


البيان الأول لحركة حقي



احنا مجموعة من الطلاب في جامعة المنصورة فكرنا نتصرف بشكل إيجابي علشان ناخد حقنا لما عرفنا إن واحد زميلنا في جامعة أسيوط اكتشف بالصدفة إن القانون بيحدد الرسوم الدراسية لطلاب انتظام : 8 جنيه , ولطلاب انتساب : 14 جنيه ... يعني الرسوم الدراسية
اللي بندفعها غير قانونية , وكمان الدستور بيقول إن التعليم مجاني في كافة مراحله ... يعني أي فلوس بندفعها زيادة مخالفة للقانون والدستور.
عايزين إيه:
احنا متمسكين بالقانون والدستور ... وعاوزين ندفع الرسوم اللي حددها القانون.
عايزين التعليم يبقي علي أساس المجموع مش الفلوس.
عاوزين تعليم مجاني بجد ... يكون علي مستوي يليق بينا ... عاوزين خفض للمصاريف ... خفض لأسعار الكتب ... إتاحة المعامل ... اشتراكات الطلبة في الأتوبيسات والقطارات ... دعم ملاعب الجامعة للطلاب ... خفض حقيقي لمصاريف المدينة الجامعية ...
عاوزين نشتغل علي كل القضايا اللي تخصنا أولا كطلاب وثانيا كأفراد في المجتمع.
نعمل إيه:
أهم حاجة إننا نفهم إن ده حقنا وندافع عنه بأي طريقة ... يعني مثلا فيه طلبة رفعت قضايا في جامعة أسيوط والقاهرة وحلوان وفيه طلبة قدموا شكاوي لرؤساء الجامعات علشان خفض المصروفات.
فيه حاجات كتير ممكن تتعمل لو فكرنا بشكل جماعي نقدر بيها ناخد حقنا اللي بيحدده
الدستور والقانون.

Tel.: 019 22 96 705
Email: hakky.movement@yahoo.com
Blog: HakkyMovement.blogspot.com
On Facebook: http://tinyurl.com/3ttpxr